2019 жылғы мамыр айының мерейгерлері

31  мамыр

Першин Юрий Алексеевич

Туғанына 80 жыл  (1939)

 

Юрий Алексеевич Першин  1939 жылдың 31 мамырында дүниеге келген. Әкесі соғыстың алғашқы  күндерінде қаза болған, ол кезде Юра бірден жаңа ғана асқан сәби еді. Бір үйдің алты баласы  ауыр да  жарлы  өмірді  басынан кешті.

1955 жылы 15 жасар  Юрий  геодезист болып жұмысқа орналасуға келді, ол кезде Рудный жоқ еді, бірақ комбинат  белсенді түрде  құрылып жатқан, зерттеу жұмыстары жүргізіліп жатқан кез болатын,  кадрлар өте қажет болды. Алғашында оны жасына байланысты жұмысқа қабылдамады, бірақ Николай Фаддеевич Сандригайло өз жауапкершілігіне ала отырып  жұмысқа қабылдауға  бұйрық берді.

2019 жылғы мамыр айының мерейгерлері

9  мамыр

Антончик Николай Николаевич

туғанына 90 жыл (1929)

     Николай Николаевич Антончик 1929 жылдың 9 мамырында Брест облысының  Закапличье  ауылында дүниеге келді.Рудныйға  1956 жылы шақыртумен келді. Оны Сарбайға  машинист  экскаватор етіп қабылдады.  Николай Николаевич  ЭШ-4/40 № 2  эксковаторын монтаждауға қатысты, ал 1957 жылдың қыркүйегінде ол жаңа үлгідегі  экскаватормен жұмыс істеп бастады. Бір күні ол штурвалдың  артында жұмыс істеп жатқанда экскаватор    ондаған шақырым жерге  қозғалып кетіп, бес жүз қырық тонналық машина  төмен қарай құлдырай бастады.    Көмекшіге  машинаны тоқтатуға бұйрық берген  Николай  Николаевич   өз өмірін қауіпке  тіге отырып, бағдарды дереу  қарсы бағытқа қарай  бұра  бастады.  Үміт  ақталды – салмақ  теңесіп,  қауіп артта қалды.

2019 жылғы мамыр айының мерейгерлері

                                 5  мамыр                                         

Жантемиров Амангельды Мурзахметович

Туғанына 80 жыл (1939-1993)

 

Амангельды Мурзахметович Жантемиров 1939 жылы 5 мамырда  Қостанай облысы Пресногорьковск ауданы Қарақамыс  ауылында  дүниеге келді.1959 жылы  орта мектепті  сәтті аяқтаған ол  Алматы мемлекеттік  медицина институтына  оқуға  түсті. Оқулыққа үңілген  ұйқысыз түндерді өткізіп, мәтіндерді қазақ,орыс және латын тілдеріне аударып (қазақ мектебін  бітіргеннен  кейін  орыс тілін үйрену керек болды), түнде вокзалда  жүк тасушы болып жұмыс істеді.  1964 жылы дипломы бар жас маман сол кезде  қабырғасы енді қаланып жатқан жаңа қала Рудныйға жолдама алады. Амангельды Мурзахметович – Рудный қаласындағы ЛОР  қызметін ұйымдастырушылардың  алғашқыларының бірі. Бүгінде  Жантемировтың  көптеген шәкірттері  оның  әдістерін қолданып жүр, олардың ішінде 17 дәрігер, олардан 12 интерн.