Кітапханадағы жасыл күн

26 шілдеде экологиялық мәдениетті қалыптастыруға, азаматтардың қоршаған ортаның жай-күйі үшін жауапкершілігін арттыруға және елді мекендер мен табиғи аумақтардың санитарлық жағдайын жақсартуға бағытталған «Таза Қазақстан» республикалық акциясы аясында Орталық қалалық кітапханада күні бойы «Кітапханадағы жасыл күн» экологиялық акциясы өткізілді. Оқырмандар мен қонақтар үшін тақырыптық экошолу дайындалып, «Жасыл әлем өмірінен» атты жасыл көрме мен «Жасыл дәріхана» ақпараттық бұрышы безендірілді. Табиғат және оны қорғау туралы танымал тұлғалардың ой-толғамдары «Өмір ағашының» сәнің келтіріп, ал әдемі библиографиялық бетбелгілер акцияға қатысушылар үшін жағымды сыйлыққа айналды.