2026 жылғы қараша айының мерейгері Светлана Федоровна Лойко

19 қараша

Светлана Федоровна Лойко

45 жас

Светлана Федоровна Лойко 1981 жылы 19 қарашада Рудный қаласында дүниеге келген. Сурет салуға қызығушылық ерте жастан, тіпті балабақшада көрінді. Мұғалім қыздың басқа балаларға қарағанда жақсы сурет салатынын байқап, ата-анасына Оны өнер мектебіне жіберуге кеңес берді.

Светлана балалар көркемсурет мектебіне 1992 жылы түсіп, 1996 жылы оқытушы Оксана Владимировна Смотроваяның басшылығымен өте жақсы бітірді. Көркемсурет мектебін бітіргеннен кейін оны дарынды балаларға арналған № 2 мектеп-лицейге шақырды және оны 1999 жылы бітірді.

Светлана Лойко Магнитогорск мемлекеттік педагогикалық университетінде көркем-графика факультетінде оқуын жалғастырды. Сырттай оқып, тапсырмалар алды, тапсырмаларды өз бетінше орындады. Лариса Геннадьевна Дмитриеваның жетекшілігімен қойылымдар, натюрморттар, гипстік фигуралар жасады.

Балаларды қорғау күніне арналған байқауға қатысқаны үшін (асфальтқа сурет салу) Светлана ІІІ орын алды.№ 2 мектеп – лицейінде Алматы қаласына «Табиғатты қорғаңдар»  және «Ажырасу» атты плакаттар байқауына оның екі жұмысы жіберіліп, екеуі де жүлделі орындарға ие болды. Сонымен қатар, ол 2001-2002 жылдары Рудный қаласының күніне арналған көрмелердің жеңімпазы (1 орын) болды. № 2 мектеп-лицейіндегі көркемөнер жұмыстарының шағын көрмесі үшін I орын алды. Сондай-ақ Светлана «ТВС-Магнетит» газеті редакциясының «Селим» модельдік агенттігімен бірлесіп кешкі көйлектің үздік нобайына конкурсқа қатысты. 2006 жылы Рудный тарихи-өлкетану мұражайының қызметкерлері Светлана Лойконың «Мир в цвете» атты жеке көрмесін ұйымдастырды. Ол айналасындағылардың бәрін суретке салады, көптеген жанрларда жұмыс істейді: портрет, пейзаж, натюрморт. Өнердегі бағыт-реализм және авангардизм.

Ол өзін қоршаған дүниенің бәрін бейнелейді, портрет, пейзаж, натюрморт сияқты көптеген жанрларда жұмыс істейді. Өнердегі негізгі бағыттары – реализм мен авангардизм.

Кейінгі туындыларында ол қуаныш, нәзіктік, жайлылық пен жан жылуын жеткізуге ұмтылды. Көрермен картиналарды тамашалағаннан кейін жағымды әсер алса екен деп тіледі. Оны өмірдегі барлық жақсы нәрселер қызықтырады. Ол қайғылы оқиғаларды, ауырсыну мен жағымсыз жайттарды бейнелеуді ұнатпайды, өйткені өмірде ондай нәрселер онсыз да жеткілікті.

Көрмеде кенепке, ағаш-талшықты тақтаға (ДВП) және ледеринге майлы бояумен салынған туындылар ұсынылды. Светлана қағазға түрлі түсті қарындаштармен, акварельмен, пастельмен, сангинамен және көмірмен сурет салады. Тіпті майлы бояумен шыны бөтелкелерге салынған өрнекті суреттері де бар.

Светлана Лойконың акварельдік туындылары жеңіл әрі әуедей нәзік әсер қалдырады. Әсіресе, қысқы пейзаждары ерекше көз тартады. Бұл көркем туындылардан қуаныш сезімі мен жарықтың, түстердің жарқылын жеткізуге деген ұмтылыс байқалады. Акварель техникасы күрделі әрі құбылмалы, ал қыста табиғат көрінісін тікелей қарап отырып салу одан да қиын. Сондықтан Светлананың бұл жұмыстары – шығармашылықтағы үлкен жетістік.

Суретшінің портрет жанрында да қызықты туындылары бар. Соның бірі – Светлананың өзі бейнеленген жанды әрі өзіндік ерекшелігі бар автопортреттері. Оның шығармаларынан өз жолын таңдауға деген табандылық пен сол жолдан таймауға деген берік ұстаным үнемі байқалады. Бұл картиналар мен суреттерден көрерменге адам жаны тіл қатады.