Батыр-жауынгерлердің жерлеуі

Қамысты ауданының ең маңызды ұлттық-мәдени қазына нысандарының қатарында жоңғарлармен шайқаста ерлікпен қаза тапқан батыр жауынгерлердің жерлеуі бар.  Бұл жерлеу XVIII ғасырда пайда болды. Содан бері үш ғасырға жуық уақыт өтті және тек ұрпақтан – ұрпаққа ауызша жеткізілген мәліметтер ғана сақталды. Осы уақытқа дейін тарихшылар ескерткіштерде қалған жазуларды аудара алмайды.

Қазіргі Қамысты ауданының аумағында қазақ халқының болашақ тағдырын айқындайтын ірі тарихи оқиғалар орын алды. Ауданның оңтүстігінде Қара Сиыр жазығы орналасқан. Тарих ғылымдарының докторы Аманжол Күзембайұлы былай деп жазады: «1726 жылы Тайлақ батыр, Саурақ батыр басқарған Ұлы және Кіші жүздердің біріккен әскері Қара сиыр аумағында жоңғарларға ауыр жеңіліс әкелді». Бұл соғыстың жеңіс нүктесін қазақ жауынгерлері Аңырақай шатқалында қойды. Бұл жеңістің нәтижесі кейіннен Қазақ жерін жоңғар жаулап алушыларынан толық тазарту болды.

Ежелгі Ұрқаш ауылының маңында орналасқан зираттағы тастан жасалған құлпытастар қамыстылықтарға ата-бабаларының даңқты ерліктері туралы мәңгілік еске салады.