2019 жылғы қантар айының мерейгерлері

20  наурыз

Гордиенко Раиса Фёдоровна

туғанына 75 жыл (1944)

 

Раиса  Фёдоровна  Гордиенко  1944 жылы 20 наурызда  Украинада,   Ворожба елді мекенінде туылды.  Оның әкесі  Фёдор Макарович Логвин  колхоз есепшісі,  анасы Евдокия  Яковлевна  қатардағы колхозшы, олардың әдемі дауыстары болды, халық әндерін  құйқылжыта орындады. Олардың алты қызы мен екі ұлы өсе келе  отбасылық хорға  айнала бастады. Үш жасар қыз және оның  кіші сіңілісі Раиса сол жерде өзінің музыкалық карьерасын бастады.  Бұл отбасы бүкіл  Украинада  тек қана өздерінің  әдемі әндерімен емес, сонымен қатар ұжымдық еңбекқорлығымен де көзге түсті.

Хормен бірге түрлі іс-шараларға  қатысып жүрген Раиса көркемөнерпаздар шығармашылығында баянның  алатын орыны ерекше екендігіне көз жеткізе отырып  баянүйренуге деген ынтасы арты түсті. Раиса 7 сыныпты  бітірген бойда  10 айлық баянист-хормейстр  курсына оқуға түсті.  1960 жылдан бастап ол колхозда болсын, өндірісте болсын үнемі көркемөнерпаздарға жетекшілік ете отырып оқып жүрді.

Қостанайдағы салынып жатқан жаңа құрылыс жайында хабар оның отбасына да келіп жетті. Бірінші болып оның сіңілісі, кейін Раиса  Фёдоровна күйеуімен келді. Рудныйда ол еңбек жолын жалғастыра отырып,  шығармашылықпен де айналысты. Алғаш фабриканың комсомол  комитетінде, кейін   ГПТУ-149  жұмыс істеген ол сол жерде хор ұжымдарын ұйымдастырды. Әрі қарай «Железобетонстройдеталь» трестінде жұмыс істеді. Ауыр дерттен кейін көз жұмған күйеуінен 2 баласымен  жесір қалған ол  қарап отырмады: Құрылыс техникумын сырттай оқып бітіріп, лаборант қызметінен құрылыс материалдар зауытының цех  басшысының  орынбасарлығына дейін көтерілді. Тағы да жатақхана  хорына жетекшілік етті. Осы жылдарда зауыт ұжымы оны  кәсіподақ төрайымы және екі рет халық депутаттарының қалалық кеңесіне сайлады.  1986 жылы «Востокэнергочермет» трестіне жұмысқа тұрған Раиса  Фёдоровна  ол жерде  зертхана, қойма басшысы, кәсіподақ төрайымы және көркемөнерпаздар орталығының ұйымдастырушысы болып    12 жыл жұмыс істеді.   Кәсіпорын  тараған кезде ол  жұмыссыз қалды, бірақ атағы қалған жоқ.

2019 жылғы қантар айының мерейгерлері

наурыз

Говорухина-Семёнова Нина Ивановна

туғанына 95 жыл (1924)

 

Нина Ивановна Говорухина  1924 жылдың 9 наурызында дүниеге келді. 1942 жылы оны майданға шақырды . Нинаны арнайы дайындықтан өткен байланыс батальонына  Свердловскіге шақырды.  Нина Ивановна   Смоленск  маңындағы  бөлімшеде қызмет етіп,  соғыста  Белоруссия,  Польшаны азат етті. 1945 жылдың сәуір айында құрамында Нина Ивановна ерлік көрсеткен  бесінші  әскер  Жапониямен күреске Қиыр Шығысқа барды.Муллин, Мудань-цзянь, Дуньхуа,   Харбин,   Гириндермен қатар екінші  майдан жолына аттанған аға сержант Нина Говорухина екі ұлы майданда да Кеңес одағы халқының жеңісінің  қатысушысы болды.

Тарихи – өлкетану хронограф «Қаланың туылу хроникасы»

Тарихи – өлкетану  хронограф  «Қаланың туылу хроникасы» (Николаевск  қонысының  құрылысы басталғанына 140 жыл)  «Бастаудан болашаққа»  жеке өлкетану жобасы аясында  Қашар кентінің №11 кітапхана филиалында 8 ақпан күні  №1 орта мектебінің 8»в» сынып оқушылары үшін өткізілді.

Іс-шара мақсаты туған өлке тарихы бойынша білімді кеңейту; Қостанай қаласы тарихының айрықша беттерімен таныстыру; азаматтыққа тәрбиелеу, өзінің туған өлкесіне деген патриоттыққа тәрбиелеу.

Кездесу  қостанайлық  ақын және жазушы  Черныш Петр Максимовичтің  керемет ақындық өлең жолдарымен басталды:

«Ты прекрасна, степь моя родная,

И в цвету, и в саване снегов.

Мы живём в далёком Кустанае,

Только сердцу ближе нет его».

Әрбір адамға өзінің туып өскен үйі  орналасқан  туған өлкесі айрықша қымбат.

2019 жылғы қаңтар айының мерейгерлері

 

20  қаңтар

Ермолович Василий Михайлович

туғанына 90  жыл (1929 – 2014)

     Василий Михайлович Ермолович  20 қаңтар 1929 жылы  Минск облысының Березино ауылында дүниеге келді. 18 жыл трактор бригадасын  басқарған ол, 1949 жылы Кеңес армиясының қатарына шақырылып,танк  экипажын басқарды  1952 жылғы демобилизациядан кейін Свердловск облысының  «Волчанскуголь»  трестінде   бульдозерист,     кран машинисті,экскаватор машинисті болып жұмыс істеді. Свердловск  облысының Волчанск қаласында ССКӨК құрылысы жайында естіді. Рудный қаласында еңбек жолын  1960  жылы  Сарбай  кен басқармасында экскаватор машинисті болып  бастап,экскаватор машинистінің  бригадирі болып,      машинист-инструктор  болып  қызмет  атқарды.   Оған бригадамен жұмыс істеуді ұйымдастыру  әдістерін енгізді. Василий   Михайлович Ермолович  КазССР мемлекеттік сыйлығының  лауреаты,   1976 жылы оған Социалистік Еңбек Ері  деген  атақ  берілді. Сонымен қатар Ленин ордені, Қызыл ту ордені, «Құрмет белгісі» табыс етілді.

Зейнетке шыққанымен   Ермолович, Социалистік Еңбек Ері тобының профтехучелищелерге  шебер болып  баруға  ат салысты. Бұл жұмысқа ол өзінің 10 жылын арнады. Осы уақыт ішінде  270 жасөспірім  одан  тәлім алды. Олардың  көбісі қазіргі таңда ССГПО  АҚ  карьерінде жұмыс  істеп, кеншілер  дәстүрін жалғастырып жүр.

 

 

 

 

2019 жылғы қаңтар айының мерейгерлері

5 қаңтар

Виноградов Феликс Андреевич

туғанына 75 жыл (1944-2013)

 

Феликс Андреевич Виноградов  1944 жылы Шұбаркөл қаласында жұмысшы  отбасында  дүниеге келді. 1959 жылы оның отбасы Руднай қаласына көшті.Ата-анасына көмектесу  үшін  Феликс  1961 жылы кәдімгі  мектептен жұмысшы жастардың  кешкі мектебіне ауысып, жұмысқа тұрды.Ол «Казсантехмонтаж» монтаждау басқармасына үйренуші темір ұстасы болып жұмысқа тұрды. Екі жылда  3- санаттағы  ұста-сантехник болды және  1965  жылы  «Рудныйсантехмонтаж» басқармасына  жұмысқа  қабылданды.

Феликс   Андреевич   спорттың  әр түрімен айналысты, тіпті досымен бірге  «Рудный»  спортклубын  ұйымдастырды.  1968 жылдың қазан айында «Рудныйсантехмонтаж»   басқарма бастығы  өзінде  спортмектеп кәсіпорынын құрып,  ал баскетбол бойынша жаттықтырушы етіп  Феликс Андреевич Виноградовты тағайындады. Ол іскерлігімен және жылдамдығымен ерекшелене отырып,  өзінің жаттықтырушылық және ұйымдастырушылық қабілетін де көрсете білді. Ол Рудныйдағы  баскетбол федерациясын басқарды, Жалпықазақстандық  спартакиаданың  баскетбол турнирінде  облыстық  командаға  жетекшілік етті. Кейін  Феликс  Андреевичке  мұз айдынына  иелік етіп Рудныйдың  тұңғыш хоккейный командасын құру тапсырылды.  Хоккейшілерді жаттықтыра отырып, олармен  бірге өзі де ойнап, ойын  әдемілігі мен шеберлігін көрсете білді. Өз қызығушылығымен  қалалық шайбалы хоккейдің дамуына үлес қосып, хоккей бойынша облыстық федерациясына дейін өсті. Оның вице-президенттігіне  кандидатура  ізделген кезінде Виноградовтан басқа кондидатура болған жоқ.

Сосын  Феликс  Андреевичті жергілікті жарыстарда төрешілікке шақырды, онда ол өзінің туа біткен дарынын  көрсете білді  –  ол өз кәсіптестеріне қарағанда мінсіз  төрешілік деңгейіне дейін  көтерілді және  облыста бірінші болып Республикалық  төреші санатындағы  атақ  берілді.

24 мамыр  2013 жылы  ауыр науқастан кейін Феликс Андреевич Виноградов мезгілсіз  дүниеден өтті. Ол спортқа сенім және ақиқатпен  қызмет  көрсетті. Өмірін арнаған  спортқа шексіз махаббатын тәрк етті.

 

 

 

 

2019 жылғы қаңтар айының мерейгерлері

Құрметті пайдаланушылар. Сіздер бұл жерде  Рудный қаласының атақты адамдары –  2019 жыл  мерейгерлерімен танысасыздар. Олар туралы ақпарат айына бір рет шығып тұрады. Бұл парақша туған қаласының  тарихына қызығатын барша қауымға арналады.

қаңтар

Панченко Иван Иванович

туғанына 80 жыл (1939 – 2018)

    Иван Иванович Панченко 1 қаңтар 1939 жылы  Таран ауданының  Асенкритовка селосында дүниеге келді. Мектеп  бітіргеннен  кейін, Магнитогорск тау-кен институтына  оқуға  түсіп, инженер  мамандығын  алып шықты. 1965 жылдын  ССКӨБ еңбек қызметін  бастады. Дипломы  бар  маман Сарыбай кенбасқармасының  бұрғылау бөліміне шебер болып жұмысқа қабылданып, одан әрі сол бөлімді  басқарды.

Әр түрлі кезеңдерде  Иван Ивановичке түрлі қызметтерде жұмыс істеу бұйырды: өңдеу бөлімінің бастығы, өндіріс бөлімінің бастығы, бас инженер, Сарыбай кенбасқармасының бастығы болып жұмыс істеді. Иван Иванович әрқашан өзінің ұйымдастырушылық қабілетімен, жоғары кәсібилігімен, жұмысқа деген шығармашылық ізденісімен, адамдарға жақсы қарым-қатынасымен, зиялылығымен және ішкі мәдениетінің  жоғарылығымен  ерекшеленетін. Еңбек демалысына   1995 жылы  шықты.

Көпжылдар бойына сіңірген адал еңбегі үшін құрмет  қағаздарымен, алғыс хаттармен, үш дүркін Шахтёр  даңқы  белгісі  және де басқа  марапаттарға  ие болды.