Этнографиялық экспедиция «Мен досыма қонаққа барамын»

27  сәуір Қазақстан  халықтарының  бірлігі күнінде, № 8 кітапхана филиалында «Рухани жаңғыру»  бағдарламасы  аясында «Мен досыма  қонаққа барамын»  этнографиялық  экспедиция  болып өтті.

Іс-шараға №10 мектеп гимназиясының 6 «в» сыныбының оқушылары қатысты.

Аталмыш іс-шара мақсаты  – балаларды «Рухани жаңғыру»  бағдарламасымен таныстыру, өз халқының салты мен дәстүрін  сақтай білу қандай маңызды екендігін көрсету.

Жүргізуші Қазақстанда жасап жатқан түрлі ұлт өкілдеріне  тоқталып  өтті – қазақтар, орыстар, немістер мен кәрістер, оқушылар дәл осыларда  қонақта  болды.

Әрбір  халық өзінің  салт-дәстүрлерімен  ерекшеленеді.

«Қазақ үйінде»  «қырқынан шығару» салтын  тамашалап,  «орыс үйінде» – ағаш  қасықтармен  «Во саду ли в огороде» әуенін  ойнады,  «неміс  үйінде» 20 ғасырдың  бас кезіндегі  Омбыдағы  немістердің  тұрмыстық  техникаларымен  танысты, «кәріс  үйінде»  балалар  көптеген  қызықты ақпараттарға қол жеткізді.

Іс-шара соңында  балалар  кітапхананың  көпұлтты  кітапханашыларының   дайындаған  дастарханынан  шәй  ішті. Қазақ бауырсағы, орыс құймағы, неміс  кухенінен  дәм  татты!