Мамыр айының мерейгері Раиса Павловна Семиехина

2 мамыр

Раиса Павловна Семиехина

туғанына 85 жыл

(1941–2014)

     Раиса Павловна Семиехина 1941 жылғы 2 мамырда дүниеге келді. Перм медициналық институтын бітіргеннен кейін ол өзінің жұмыс орны ретінде Қазақстанды таңдады. Көкшетау облысында 4 жыл жұмыс істеп, 1969 жылы Рудный қаласына көшіп келеді.онда оның ұйымдастырушы дәрігердің таланты толық көрінді.

1976 жылдан бастап, қалалық стоматологиялық емхана ашылғаннан кейін Раиса Павловна сол жерде терапия бөлімшесінің меңгерушісі, 1980 жылдан бастап бас дәрігердің емдеу – алдын алу жұмысы жөніндегі орынбасары болып жұмыс істеді. Ақыры, 1984 жылы ол Рудный қаласының стоматологиялық емханасының бас дәрігері болып тағайындалды. Барлық лауазымдарда Раиса Павловна қызметті жетілдіруге, кәсіпорынның медициналық және материалдық базасын нығайтуға көп күш жұмсады.

1994 жылдан бастап 2003 жылға дейін Раиса Павловна Семиехина қалалық мәслихатының депутаты болды. Өзінің негізгі қызметін депутаттық міндеттерін орындаумен ұштастыра отырып, қаланың емдеу-алдын алу ұйымдарының қызметін жақсарту бойынша көптеген мәселелерді шешті. 1996 жылы оған Қазақстан Республикасының еңбек сіңірген дәрігері атағы берілді.

1997 жылы Раиса Павловнаның басшылығымен қаланың емдеу желісінің қайта құрылуына байланысты қалалық стоматологиялық емхана «Стоматолог» ЖШС болып қайта құрылды, бұл кәсіпорынды жаңа жабдықтармен жарақтандыру, пациенттерді емдеудің заманауи әдістерін енгізу үшін қосымша мүмкіндіктер берді. Раиса Павловна басқаратын кәсіпорын пациенттерге қызмет көрсету сапасы мен мәдениеті бойынша білікті дәрігер-стоматологтарды даярлау базасы бойынша облыстағы үздіктердің бірі болды.

Раиса Павловна Семиехина бірнеше рет Қазақстан Республикасы Денсаулық сақтау министрлігінің, Рудный қаласы әкімінің, Қостанай облыстық және Рудный қалалық мәслихаттарының, облыстық денсаулық сақтау басқармасының грамоталарымен марапатталған. 2002 жылы ол «Денсаулық сақтау» номинациясында «Әйел басқаратын үздік кәсіпорын» республикалық байқауының дипломымен марапатталды. Раиса Павловна 2014 жылы Ресейдің Пермь қаласында қайтыс болды.