2023 ж. мерейгерлері

Шайрер Владимир Иванович

23 қазан

(1948)

75 жаста

Владимир Иванович Шайрер – Қазақстан Республикасының еңбек сіңірген жаттықтырушысы, КСРО спорт шебері, бокстан КСРО Кубогының күміс жүлдегері, Қазақстан чемпионы, Рудный қаласының құрметті азаматы.

1965-1976 жылдары ҚССР-нің тұрақты чемпионы болды. 1970 жылғы Универсиаданың қола жүлдегері және 1970 жылғы КСРО Кубогының финалисті атанды. 1972 жылдан бастап олимпиадалық резервтегі балалар мен жасөспірімдер мектебінде бокстан жоғары санатты жаттықтырушы және оқытушы болып жұмыс істей бастады.

Владимир Иванович бокста айтулы нәтижелерге қол жеткізген спортшыларды дайындады, олардың ішінде Владимир Кузьмин, Владимир Сухин, Сергей Бондарев, Александр Дротенко, Андрей Стафеев, Игорь Сырчин, Александр Иванов, Эдуард Савко, Александр Павлов, Ренат Салимьянов, Виталий Монахов, Анатолий Васенев, Семен Олгаренко, Юрий Янов, Тыныбек Құдабаев, Роман Макунев, Владимир Меркулов, Виктор Мешков.

Владимир Иванович халықаралық дәрежедегі спорт шебері – жасөспірімдер арасындағы үш дүркін КСРО чемпионы, жасөспірімдер арасындағы Еуропа чемпионы Сергей Лаптиев пен халықаралық дәрежедегі спорт шебері – жасөспірімдер арасындағы Еуропа чемпионы және жасөспірімдер арасындағы КСРО чемпионы Олег Заболоцкийдің жаттықтырушысы болды. Олимпиаданың қола жүлдегері Иван Дычконың алғашқы жаттықтырушысы болды. Владимир Иванович Шайрердің басшылығымен Иван Дычко өзінің алғашқы жеңісіне қол жеткізді – ол Гвадалахарадағы әлем чемпионатының күміс жүлдегері атанды. 2016 жылғы Олимпиада ойындарының алдында Олимпиада құрамасы басшылығының Лондонға спортшылардың жеке жаттықтырушыларын әкелуге қаржысы болмаған кезде, Владимир Иванович спортшыны өз қатысуымен қолдау үшін Лондонға өзі барды. Ол Лондонның шетінде, Олимпиада қалашығынан алыс жерде тұрған. Ол сондай-ақ спортшының ағалары Илья мен Владимир Дычколарды жаттықтырды. Ол 45 спорт шеберін дайындады, оның шәкірттері арасында КСРО чемпиондары және 5 халықаралық дәрежедегі спорт шебері бар. И.Дычко – еңбек сіңірген спорт шебері.

2013 жылғы 27 тамызда Владимир Иванович Шайрерге «Рудный қаласының құрметті азаматы» атағы берілді.